131
Мисијата на НАТО на Косово – КФОР денес соопшти дека спроведува акција за отстранување на одредени возила кои се блокирани на патот на северот на Косово.
„Мисијата на КФОР спроведува инженерски операции во северно Косово за да отстрани некои возила блокирани на патот и да ја врати слободата на движење во согласност со нејзиниот мандат на ОН“, објави КФОР на Твитер.
Не е соопштено на кои локации се отстрануваат возилата.
Србите од северот на Косово ги подигнаа првите барикади на 10 декември, а нивното отстранување започна на 29 декември. Тој и следниот ден беа отстранети повеќето барикади, но не и онаа на новиот мост кај Дудин крш во Северна Митровица, каде и денес стојат два запалени камиони, објави Косев.