Надуеноста е предизвикана од акумулација на гасови во дигестивниот тракт. Обично е придружена со абдоминална непријатност или болка, a може да биде поврзана и со подригнување.
Но, храната не е секогаш главната причина за оваа непријатна појава.
Гастроентерологот Моника С. Борка наведува дека надуеноста може да биде предизвикана од голем број фактори поврзани со вашето физичко и ментално здравје.
Стрес
Вашиот дигестивен систем е во постојана комуникација со вашиот мозок. Така, стресот и анксиозноста, кои предизвикуваат телото да го ослободи хормонот на стрес кортизол, може да придонесе за надуеност.
Лекови
Некои лекови може да го нарушат балансот на бактериите во цревата, да предизвикаат задржување на течности, да ја променат дигестивната функција или да предизвикаат оштетување на дигестивниот систем доколку се земаат долгорочно.
Според студија од 2016 година објавена во Scandinavian Journal of Pain, одредени лекови против болки најчесто предизвикуваат запек што доведува до надуеност. Изненадувачки, додатоците како мултивитамини или додатоци на железо исто така можат да го направат тоа, вели таа.
Инфекција
Инфекциите на уринарниот тракт или стомачните инфекции со H. pylori исто така може да предизвикаат надуеност. Освен надуеност, бактериска инфекција може да предизвика и гадење, подригнување и болки во стомакот или печење.
Менструација
Не се само грчевите и главоболките оние кои ги прават менструациите потенцијално неподносливи. Благодарение на флуктуациите на хормоните естроген и прогестерон, може да забележите дека се чувствувате надуено непосредно пред и за време на менструацијата.