Некои хороскопски знаци едноставно не можат да замислат дека се во сериозна врска. Ја сакаат слободата, истражувањето и секогаш ја оставаат вратата ширум отворена за неочекувани можности.
Кога разговорот ќе се претвори во „што сме ние?“ или „каде оди нашата врска?“, овие знаци брзо фаќаат „џаде“ и исчезнуваат.
Запознајте ги четирите хороскопски знаци кои се вистински мајстори за избегнување сериозни врски:
Близнаци
Близнаците се познати по нивната неостварлива, променлива природа и бескрајната љубопитност. Обожаваат да истражуваат сè што им нуди животот, а сериозната врска често изгледа како нешто што може да ги спречи. Кога работите ќе станат премногу сериозни, Близнаците ќе почнат да размислуваат за сите други опции кои се уште не ги пробале. За нив љубовта е игра, полна со авантура и спонтаност, па кога некој ќе предложи сериозен чекор, се прашуваат што би можеле да пропуштат. Близнаците се вечни истражувачи, а доколку почувствуваат дека некој се обидува да ги „врзе“, нивниот прв импулс е да избегаат!
Стрелец
Стрелците се слободните духови на Зодијакот, родени авантуристи кои сонуваат да патуваат и да истражуваат нови хоризонти. Сериозната врска за нив често значи губење на слободата, што е нивната најстрашна мисла. Стрелецот го сака чувството да се биде слободен и дека ништо не ја ограничува нивната љубопитност. Кога некој ќе го постави прашањето „каде оди ова?“, Стрелците веќе ќе бидат неколку чекори подалеку, планирајќи го своето следно патување или нова авантура. Сакаат друштво и уживаат во љубовта, но штом почувствуваат дека некој сака да ги „смири“, тргнуваат во потрага по следната возбуда.
Водолија
Водолиите се исклучително независни и ја ценат својата слобода и личен простор повеќе од било што друго. Иако се лојални и грижливи пријатели, кога се во прашање романтичните врски, Водолијата тешко може да се замисли себеси во нешто што бара премногу посветеност и време. Обожаваат да го поминуваат времето сами, нурнати во нивните проекти и идеи, па сериозната врска често изгледа како нешто што може да ги одведе на погрешен пат. Кога некој сугерира подлабока врска, одговорот на Водолијата е обично некоја сложена филозофска мисла – по што таа едноставно исчезнува. Нивната мисија е да го истражуваат светот, а не да се врзуваат.
Овен
Овните се храбри, импулсивни и сакаат акција, но кога станува збор за сериозни врски, нивната природа станува малку немирна. Овенот не го сака чувството дека е заробен, а сериозната врска често носи одговорности и компромиси, што не му е омилена област. Кога врската станува сериозна, Овните почнуваат да се прашуваат дали сè уште ќе имаат време за сите свои амбиции и проекти. Во животот ги води страста, но ако чувствуваат притисок или досада, нивниот прв импулс е да најдат излез. Овенот сака љубов, но на начин што остава доволно простор за независни авантури.