Унгарските власти најавија дека нема да „стојат настрана“ додека гасоводот „Дружба“ е затворен и најавија дека ќе бидат преземени контрамерки сè додека не продолжат испораките.
„Ќе го обезбедиме снабдувањето со гориво на Унгарија и ќе ги преземеме потребните контрамерки сè додека не се обноват испораките“, се вели во објавата на унгарскиот премиер Виктор Орбан на „X“.
Како одговор на прекинот на испораките, Будимпешта ги објави следните чекори:
-Прекин на испораките на дизел од Унгарија за Украина
-Отфрлање на каков било воен заем за Украина
– Нема да поддржат нови санкции против Русија, вклучително и 20-тиот пакет санкции
Оваа порака доаѓа во време на зголемени тензии околу енергетските текови и понатамошната европска поддршка за Украина.
❗️ We will not stand idly by while the Friendship oil pipeline is shut down. We will secure Hungary’s fuel supply and take necessary countermeasures until shipments resume.
Countermeasures:
❌ No diesel shipments from Hungary to Ukraine.
❌ Refusal of any military loan to… pic.twitter.com/piFC51eWZW— Orbán Viktor (@PM_ViktorOrban) February 22, 2026
Унгарскиот министер за надворешни работи, Петер Сијарто, во два поста на X го засили притисокот врз Украина поради транзитот на нафта до Унгарија и Словачка преку нафтоводот „Дружба“, со повторена закана дека ќе ги блокира одлуките на ЕУ важни за Киев.
Неговите пораки доаѓаат откако украинското Министерство за надворешни работи ги отфрли притисоците на Будимпешта и Братислава, велејќи дека уценувањето на енергетските извори во времето на руските напади врз инфраструктурата е во рацете на агресорот.