Кинески танкер под американски санкции помина низ Ормутскиот теснец и покрај американската блокада на овој стратешки премин, покажуваат податоците за поморскиот сообраќај. Бродот „Rich Starry“ е првиот што поминал низ теснецот и го напуштил Заливот откако започнала блокадата, покажуваат податоците на компаниите „LSEG“, „MarineTraffic“ и „Kpler“.
Танкерот и неговиот сопственик, „Shanghai Xuanrun Shipping Co Ltd“, се под санкции на САД поради соработка со Иран. Компанијата не била веднаш достапна за коментар.
„Rich Starry“ е танкер со среден капацитет кој превезува околу 250.000 барели метанол, според достапните податоци. Товарот е натоварен во последното пристаниште – Хамрија, во Обединетите Арапски Емирати.
Податоците исто така покажуваат дека танкерот е во кинеска сопственост и има кинески екипаж.
Иран дозволува премин низ Ормутскиот теснец за бродови кои плаќаат царина, која изнесува околу два милиони долари. Плаќањето се врши во криптовалути.
Претседателот на САД, Доналд Трамп, ја воведе блокадата на Ормутскиот теснец со наредба за забрана на излез за бродови што ги напуштаат иранските пристаништа или плаќаат на Иран за премин низ теснецот.