Комисијата за хартии од вредност и Европската банка за обнова и развој денеска ќе го промовираат нов софтверски систем со кој се очекува да се олесни доставувањето и обработката на извештаите на инвестициските фондови.
Со новиот систем ќе се зголеми транспаретноста на пазарот на хартии од вредности, ќе се обезбеди поголема достапност на податоците на потенцијалните инвеститори и ќе се зајакне заштитата на малцинските акционери при прегрупирањето на сопственичките структури на компаниите.
На презентацијата на софтверот најавено е обраќање на претседателката на Комисијата за хартии од вредност Елизабета Чингаровска и на Анка Јоана Јоанеску од Европската банка за обнова и развој.
Придобивките од новата софтверска платформа ќе ги презентира директорот на Друштвото за управување со имвестициските фондови КБ Публикум Инвест, Горан Марковски.