Стандардно , секоја година градоначалниците евентуално ги чистат главните улици, и никогаш споредните, најмалку тротоарите. Ама за да дојдеш до главната треба да преживееш, односно да не се лизнеш. И ако тоа му го кажеш на било кој градоначалник ти си предавник, и си од другите. А ако му кажеш дека плаќаш данок и за главни и за споредни улици ,тогаш дефинитивно ќе ти речат голем предавник си – цел сосросоид.
А колку за илустрација до тие кои лепат етикети една слика од еден град:
Зголемен е бројот на пациенти кои поради скршеници и набиеници побарале медицинска помош во Итната медицинска служба во Делчево. За период од неполни 18 часа во делчевската Итна медицинска служба се примени десетина пациенти со скршеници, изместувања и пукнатини на екстремитетите, информира д-р Гоце Стојменовски, раководител од службата.
-Од синоќа до денеска на пладне пружена е итна медицинска помош на десетина пациенти на возраст од 35 до 65 години поради, контузии, фрактури, фисури, луксација на екстремитетите. Сите пациенти се препратени во најблиските ортопедски центри во болниците во Кочани и Штип, потенцира д-р Стојменовски.
Тој препорачува до граѓаните да не излегуваат без потреба надвор и да внимаваат при движењето, бидејќи снегот во комбинација со ниските температури предизвикува замрзнување на улиците и тротоарите и може да дојде до несакани повреди.
Д-р Стоменовски, исто така, инфрмира дека нивните возила отежнато се движат по повисоките делови од градот, како и по селските средини, посебно во селата Бигла, Разловци, Драмче, Селник, поради остатоците од снег по патот.
Тоа е тоа, за другите слики и градови , Локално.мк ви стои на располагање- јавувајте во нашата рубрика граѓански!