Претседателот на Зимбабве, Роберт Мугабе поднесе оставка која веднаш стапува на сила, јавуваат светските агенции.
Во писмото кое го испратил до парламентот се наведува дека оставката е доброволна.
Претседателот на парламентот на Зимбабве веднаш ја прекина собраниската седница на која се расправаше за отповикување на Мугабе, а на улиците на оваа африканска држава веќе се слави.
I am watching a facebook live coverage from Harare Zimbabwe, I have never seen this kind of happiness and excitement anywhere in my life. The joy of a fallen despot is one we should all experience at one time. #Mugaberesigns pic.twitter.com/QmaG0f9fSd
— The Trend Setter (@Ugaman01) November 21, 2017
Претходно, поранешниот потпретседател на Емерсон Мнангагва го повика Мугабе да поднесе оставка и да дозволи земјата да „тргне напред“.
Роберт Мугабе, кој со земјата владееше 37 години од нејзиното осамостојување од Британија, во неделата беше сменет од местото претседател на владејачката партија, а вчера му истече рокот кој му беше даден за да поднесе оставка од функцијата шеф на државата.