Натпревар во „неправење ништо“ во Тајван

Студент од Хонгконг по име Чан Кај-хо е победник на натпревар во „неправење ништо“, којшто се одржа во тајванскиот главен град Тајпеј.

Необичниот натпревар се одржа во Централниот градски парк. Задачата на учесниците е да седат 90 минути на едно место неправејќи буквално ништо, наведува кинескиот весник „Саут Чајна морнинг пост“.

Кинезот, како награда доби авионски билет за наредниот таков натпревар, кој во февруари ќе биде одржан или во Хонгконг или во Јапонија.

– Да бидам искрен, прилично е исцрпувачки, но мислам дека се’ е до добрата навика – рече Чан.

Првиот таков натпревар се одржа во 2014 година во Јужна Кореја, со цел да ги охрабри луѓето повеќе да се одмараат, секако, без користење смартфон и слични уреди од современата доба.