Стотици луѓе протестираа во неделата во Акрон, Охајо, во северниот дел на САД, по објавувањето на видеото од убиството на Афроамериканец кој, според неговиот адвокат, бил застрелан 60 пати. Додека властите апелираа за мир, толпата маршираше кон Градското собрание носејќи транспаренти на кои пишуваше „Правда за Џејленд“.
Џејланд Вокер (25) беше убиен на 27 јуни додека бегаше од полицијата по бркотница со автомобил поради сообраќаен прекршок. На видеото објавено од полицијата во неделата се гледа млад човек изрешетан со куршуми.
Антирасистичките организации повикаа на четврти ден протести во градот со 190.000 жители во близина на Кливленд во неделата.
Протестите беа мирни, освен еден момент кога демонстрантите се приближија до полицискиот кордон, навредувајќи ги.
По првиот митинг, толпата во текот на ноќта остана на улица. Немаше пријави за насилство.
Но, властите, плашејќи се од немири, поставија тешка механизација околу полициската станица за да ја заштитат.
Властите на Акрон, кои првично молчеа за инцидентот, конечно објавија две видеа во неделата.
⚠️Warning: GRAPHIC
Akron Police just released the body camera footage of the killing of Jayland Walker.
Jayland was unarmed and running away when police opened fire, firing 90 shots, hitting him 60.
The Department of Justice needs to step in to investigate immediately. pic.twitter.com/owMmoSwFCi
— Nina Turner (@ninaturner) July 3, 2022
Првата е компилација на видеа и слики од екранот од камерите на полициските лични камери со коментар. Втората е комплетната снимка од бркотницата и пукањето, исто така снимени од полициска камера.
Во коментарот се наведува дека Вокер не го запрел својот автомобил и побегнал, поради што полицијата започнала потера. Неколку полицајци рекоа дека било пукано од автомобилот на Вокер.
По неколку минути потера, Вокер излегол од автомобилот додека возел и почнал да бега. Полицајците се обиделе да го совладаат со помош на електрични парализатори, но не успеале.
Неколку од нив го стигнале на паркингот. Видеата не се јасни, па не е јасно што се случило потоа, но полицијата преку соопштение наведува дека „нивните животи биле во опасност“ поради однесувањето на 25-годишникот.
Сите полицајци потоа отвориле оган, испукајќи повеќе истрели. Вокер беше прогласен за мртов на местото на настанот.
Инцидентот потсетува на други смртни случаи на Афроамериканци во судирите со полицијата, што предизвика бран протести против расизмот и полициското насилство.
The police chief in Akron, Ohio, said officers shot Jayland Walker more than 60 times. Police reported gunfire from Walker’s vehicle after attempting to pull him over but confirmed he was unarmed at the time he was chased on foot and killed. https://t.co/aL7NLyhuLM pic.twitter.com/JlOJ0BpIq9
— The New York Times (@nytimes) July 3, 2022
Градоначалникот Ден Хориган најави независна истрага.
„Јас сум адвокат 22 години и никогаш не сум видел нешто слично на ова видео“, изјави Боби Дичело, адвокат на семејството на жртвата, за „Њујорк Тајмс“.
Началникот на полицијата Стив Мајлет изјави дека форензичарите пронашле 60 рани на телото на Вокер. Дичело тврди дека бил погоден со 60 истрели.
Осумте полицајци кои учествуваа во неговата смрт се привремено отстранети од должност и примаат плата до завршување на истрагата.
Во твит во неделата, кошаркарската ѕвезда Леброн Џејмс, кој е роден во Акрон, рече дека се моли за својот град.