Почетна / Актуелно / Ангеловска: Реформските процеси ќе продолжат, ќе се рефлектираат во новиот Акциски план за 2020 година

Ангеловска: Реформските процеси ќе продолжат, ќе се рефлектираат во новиот Акциски план за 2020 година

Интезивно работиме на реформи во управувањето со јавните финансии, посбено во насока на подобрување на фискалната транспарентност и нов интегриран информациски систем за управување со финансиите, рече министерката за финансии Нина Ангеловска истакнато на Советот за управување со јавните финансии кој се одржа во Министерството за финансии по повод разгледување на полугодишниот извештај за aкцискиот план за 2019 година за Програмата за реформа на управувањето со јавните финансии.

Министерката за финансии Нина Ангеловска претседаваше на Советот за управување со јавните финансии, на кој кажаа дека Министерството за финансии заедно со Управата за јавни приходи, Царинската Управа, Бирото за јавни набавки, Државниот завод за статистика, Државниот завод за ревизија, Министерството за економија и Државната комисија за жалби по јавни набавки, забрзано работат на реализација на активностите планирани во Акцискиот план.

Министерката Ангеловска додаде дека наскоро ќе биде пуштен во употреба порталот „Отворени финансии“ кој е дизајниран да и овозможи на јавноста преглед на сите исплати од Трезорот. Исто така, се објавуваат и нови податоци и анализи дадени во Фискалната стратегија и Годишниот план за управување со јавниот долг, а неодамна во посебна апликација почна да се објавува реализацијата на капиталните расходи по буџетски корисник.

„Министерството за финансии го финализира текстот за новиот Закон за буџети, согласно коментарите на Светска банка, Меѓународниот монетарен фонд и Европската комисија. Паралелно со реформите во буџетот продолжуваат реформите во системот за управање со јавните финансии преку воспоставување на нов ефикасен и интегриран информациски систем за управување со финансии (ИФМИС) кој ќе обезбеди интегрирано следење на приходите и расходите од нивното планирање до целосна реализација. Техничката спецификација на ИФМИС се подготвува со стручна поддршка на експерти од Светската банка, и истата треба да се финализира до крајот на 2019 година“, рече Ангеловска.

Финализиран е и текстот на новиот Закон за јавна внатрешна финансиска контрола кој се очекува да биде усвоен во текот на следната година.

„Сите реформски процеси ќе продолжат и во наредниот период што ќе се рефлектираат во новиот Акциски план за 2020 година. Ги охрабрувам институциите да продолжат со спроведувањето на планираните мерки за зајакнување на нивните административни капацитети“, рече Ангеловска.

loading...