Слабеењето на ветровите во текот на ноќта ѝ помогна на грчката противпожарна служба да контролира неколку пожари во различни делови на земјата, иако утринава пожарникарите се уште се борат со пожарот во Фокис и на Пелопонез.
Според Противпожарната служба, само во понеделникот избувнале 52 пожари предизвикани од силниот ветер и високите температури, пренесува грчкиот весник „Катимерини“. Еден од нив е пожарот во подножјето на планината Парнас во Фокис, каде што огнот сè уште гори низ областа под маслиновите градини и се дели на неколку фронтови додека се пробива кон морето.
A fire is raging at one of the resorts of Porto Heli in Greece, famous for its sea-view hotels and a large number of tourists, and now it is out of control#Wildfires #fire #Incendio
— Chaudhary Parvez (@ChaudharyParvez) July 4, 2022
„Во текот на ноќта ни помогна слабеењето на ветровите. Загрижени сме за фронтот од Итеа до Агиа Ефтимија“, изјави заменик-гувернерот Јоргос Делмозос. Тој додаде дека денеска се очекува зголемена воздушна поддршка во натамошното гаснење на пожарот.
Како што соопштија од Противпожарната служба, во гаснењето на пожарот биле ангажирани 140 пожарникари со 43 возила, а од воздух помогнале четири авиони и еден хеликоптер. Противпожарни авиони беа распоредени и во Кранида во Арголис во северниот дел на Пелопонез, каде во понеделникот мораше да биде евакуиран хотел.
Subscribe👉TELEGRAM: https://t.co/Uw6hADCvaz
A forest fire is raging in #Greece. The fire spreads rapidly due to dry and hot weather.#wildfire #Wildfires #bushfires #fire #fires #Incendio #ClimateChange #ClimateCrisis #weather #Climate pic.twitter.com/Wvfy8G4da4— BRAVE SPIRIT (@Brave_spirit81) July 4, 2022
Во тој реон моментално делуваат 63 пожарникари, 18 возила, два авиона и еден хеликоптер. Борба со пожарите се води и во областа Илија на Пелопонез, а во понеделник пожарот се приближил до селото Лата, каде е издадена наредба за евакуација, а во гаснењето на огнот се вклучени 195 пожарникари со 48 возила, како и авион.
Во понеделникот попладне избувна пожар на Закинтос, во шумска област во областа Камби, на северната страна на островот, кој го гаснат 30 пожарникари со 12 возила, авион и два хеликоптера.
Wildfires raging in Fokida, central #Greece. Several #Itea villagers were evacuated to the town of Delphi, according to local media. The fire has reached Eleonas of Amfissa, the vast and “oldest attested olive grove in Greece” that spreads from #Amfissa to the Gulf of Corinth. pic.twitter.com/scmIqPliLK
— Daphne Tolis (@daphnetoli) July 4, 2022
Посебна внимателност ќе биде потребна и денеска бидејќи се предвидува многу висок ризик од пожар во регионите на Атика, Централна Грција, Пелопонез, Западна Грција и Северниот Егеј, наведува „Катемерини“.