458
Сите граѓани во Велика Британија ќе имаат пристап до бесплатен брз тест на коронавирус, во рамките на програмата за тестирање спроведена од британската влада, објави денес Би-Би-Си.
На граѓаните ќе им бидат понудени комплети од два вида брз тест. Тестовите кои даваат резултат за околу половина час, веќе се понудени во училиштата, за деца и членови на нивните семејства, како и за вработени кои треба да одат на работа.
Министерот за здравство тврди дека тестовите ќе помогнат да се спречат нови жаришта.
Оние кои се против оваа иницијатива сметаат дека може да се покаже дека станува збор за „скандалозно“ трошење пари.