199
Американскиот државен секретар Ентони Блинкен денеска изјави дека САД немаат датум за потенцијална израелска воена операција во Рафа, најјужниот град во Појасот Газа, кој е дом на повеќе од милион раселени Палестинци.
Тој додаде дека очекува следната недела да се види со своите израелски колеги за да разговараат за Газа, објави Ројтерс.
Блинкен, зборувајќи за новинарите по состанокот со британскиот министер за надворешни работи Дејвид Камерон во Стејт департментот, рече дека САД продолжуваат тесно да соработуваат со Катар и Египет за мировниот договор за Појасот Газа.
Тој додаде дека на 400 камиони им е дозволено да влезат во Газа во понеделникот, што е најголем број во еден ден од почетокот на конфликтот на 7 октомври.