Буданов: Украинските сили наскоро ќе влезат на Крим

Шефот на Главната разузнавачка управа при Министерството за одбрана на Украина, генерал-мајор Кирило Буданов, изрази уверување дека украинските сили наскоро ќе влезат во привремено окупираниот Крим.

Буданов не прецизираше конкретен датум за деокупација на Крим, но потврди дека тоа ќе се случи „наскоро“, пренесува Укринформ.

Во исто време, Буданов ја нарече заканата од Белорусија нереална и нагласи дека распоредувањето на платениците на Вагнер во Белорусија воопшто не ги плаши украинските одбранбени сили.