Фановите на „The Simpsons“ се убедени дека култната серија го има предвидено финалето на Светското првенство во Русија. Деновиве низ интернетот кружи краток исечок од една епизода на „The Simpsons“ во која познатото семејство ја гледа најавата за финалето на некое спортско натпреварување.
Бидејќи во последните неколку години видовме многу работи кои „The Simpsons“ ги „предвидоа“, фановите на оваа серија се скоро сигурни дека истото ќе се случи и со крајот на ова фудбалско првенство.
Во епизодата, Барт е лут на Хомер бидејќи тој никогаш го нема однесено семејството на фудбалско натпреварување, додека на телевизорот го најавуваат големото финале во кое ќе учествуваат тимовите на Португалија и Мексико.
Откако ова видео стана вирално, Twitter и Facebook беа преплавени со објави кои велат дека ќе се оствари предвидувањето на серијата, како што претходно беше случај со настапот на Лејди Гага на Супербоул или изборот на Доналд Трамп за претседател на САД.
The Simpson's predicted Mexico and Portugal to make it to the finals of the #WorldCup many of the simpsons predictions have came true so only time will tell #POR #Mex
— Ian Smith (@TheBigYin85) June 27, 2018
Оние пак кои не се фанови на „предвидувањата“ на култната анимирана серија велат дека не може секоја глупост од серијата да се смета за вистинита. Но, како и да е, репрезентациите на Португалија и Мексико ја поминаа групната фаза на СП во Русија, така што оваа теорија и понатаму останува во игра.
The Simpson's predicted Mexico and Portugal to make it to the finals of the #WorldCup many of the simpsons predictions have came true so only time will tell #POR #Mex
— Ian Smith (@TheBigYin85) June 27, 2018