Погребната церемонија на Афроамериканецот Џорџ Флојд, чија смрт предизвика протести низ целиот свет за време на полициското апсење, започна во Хјустон, во американската држава Тексас.
Ковчегот ќе се пренесе од црквата каде што беше јавно изложен на гробиштата, а Флојд ќе биде погребан покрај неговата мајка.
Случајот со смртта на Џорџ Флојд го шокираше светот откако почина во Минеаполис, откако бел полицаец го држеше притиснат со коленото на земја скоро девет минути.
Неговите последни моменти беа снимени со мобилен телефон.
The family of George Floyd, dressed in all white, walks into The Fountain of Praise for Floyd's memorial service, as thousands of mourners gathered for the final funeral services. https://t.co/1lh149CXUv pic.twitter.com/6Rl66prxXH
— ABC News (@ABC) June 9, 2020
Четворица полицајци кои учествуваа во апсењето беа отпуштени, а против нив се покренати тужби.
„ЦБС“ известува дека околу 500 луѓе се присутни во црквата каде се одржува верската церемонија, а меѓу нив има и политичари и јавни личности.
Гувернерот на Минесота, Тим Волц ги повика граѓаните да му оддадат почит со тишина која траеше осум минути и 46 секунди, колку што Флојд беше притиснат пред да почине.
Комеморации се одржаа и во Минеаполис, каде е роден Флојд.