Двеста камиони со хуманитарна помош пристигнале во Појасот Газа

Од почетокот на привременото примирје помеѓу Израел и Хамас, што вчера стапи во сила, 200 камиони со хуманитарна помош пристигнале во Појасот Газа.

Првпат од почетокот на војната дел од хуманитарната помош ќе биде дистрибуирана и во северниот дел на енклавата.

Над 50 камиони се наменети за северниот дел на Појасот Газа, вклучително и за области кои не се евакуирани, со одобрение на Израел, соопшти Координаторот за владини активности на териториите (ЦОГАТ).