Ешли Јанг се врати во Премиер лигата!

По една година мината во Италија како член на Интер, Ешли Јанг реши да се врати во Премиер лигата откако потпиша едногодишен договор со Астон Вила.

Тоа е враќање на Јанг во клубот каде помина четири сезони и одигра скоро 200 натпревари.

Јанг минатата сезона одигра 34 натпревари за Интер во сите натпреварувања и постигна еден гол со четири асистенции. „Нероазурите“ му понудија едногодишен договор, но Јанг избра да се врати во Англија поради неговото семејство.

За доаѓањето на Јанг инсистираше менаџерот Дин Смит, а пред неговиот прв престој во Астон Вила, Јанг играше за Ватфорд, а по Вила Парк, тој помина девет години како член на Манчестер Јунајтед.