Ештон Катчер и Мила Кунис веќе се подготвени да имаат уште едно бебе, иако нивната ќерка Вајат уште нема годинка.

Холивудската двојка го доби своето прво дете минатата година во октомври, но наводно актерите веќе се подготвуваат за уште еден наследник, бидејќи не сакаат нивните деца да бидат со голема возрасна разлика.

Мила и Ештон веќе работат за бебе и се надеваат дека ќе можат да се пофалат со втора бременост до крајот на летото.

Извор близок до дуото вели: “Ќерката им донесе толку многу радост во животот, што веднаш стана нивен главен приоритет. Мила знае дека со две деца ќе ѝ е потешко, но е убедена дека сака уште едно бебе. ”

37-годишниот Катчер има брат близнак – Мајкл и од таа причина се надевал дека Мила исто така ќе забремени со близнаци првиот пат. Освен тоа тој неодамна изјави во интервју дека партнерката е одлична мајка.