Евакуирани неколку трговски центри во Белград и Ниш поради дојави за бомби

Посетителите на трговските центри „Galerija“, „Rajićeva“ и „Mercator“ во Белград и центарот „Delta planet“ во Ниш се евакуирани поради дојави за бомби.

Веднаш по пријавата, на сите четири локации биле испратени полициски сили за да утврдат дали има бомба или станува збор за уште лажна пријава во низа слични.

МВР на Србија наведува дека во овие објекти во тек се антидиверзантски увиди.