Употребата на цврсти горива, јаглен во индустријата, енергијата и греењето на домаќинствата и издувните гасови од старите автомобили се главните причини за загадување во земјите од Западен Балкан, оцени денеска Европската комисија.
„Не го гледаме драматичниот напредок што е потребен, особено кога станува збор за здравјето на граѓаните“, рече комесарот за животна средина Виргиниус Синкевичиус.
Европската комисија и Европската агенција за животна средина нагласуваат дека работат со земјите од Западен Балкан за да се постигнат технички стандарди кога станува збор за квалитетот на воздухот, а со тоа и да се заштитат животите и здравјето на граѓаните.
Се додава дека земјите од регионот допрва ги чека „голема работа“ во таа област, за што е потребна и политичка волја и финансиска поддршка.
„Се подготвува Зелен договор со Западен Балкан, во кој ќе го дефинираме и пристапиме кон решавање на предизвиците со кои се соочуваат земјите. Мислам дека тоа е важно не само за поголемиот регион, туку и за ЕУ и соработката и јас сум оптимист дека можеме да постигнеме резултати што ќе бидат видливи “, вели Синкевичиус.