251
Германската фармацевтска компанија „Бионтек“ и нејзиниот американски партнер „Фајзер“ денес објавија дека годинава ќе и обезбедат на Европската унија дополнителни 100 милиони дози од нејзината вакцина за коронавирус.
Во соопштението на компанијата се наведува дека Европската комисија ја искористи можноста да купи дополнителни дози, што значи дека вкупно 600 милиони дози од оваа вакцина ќе бидат доставени до Унијата во текот на 2021 година.
Извршниот директор на Бионтек, Шин Марет, изјави дека испораките на вакцините Фајзер оваа година ќе опфатат две третини од населението во Европската унија, пренесува АП.
Во Европската унија, која има околу 450 милиони жители, досега се дадени околу 105 милиони дози вакцина против коронавирус.