491
Американскиот музичар Фарел Вилијамс (50) ја одржа првата модна ревија за брендот Луј Витон. Тој одржа ревија на машка облека во рамките на Париската модна недела, на мостот Pont Neuf, кој минува преку реката Сена.
Многу познати ѕвезди дојдоа да го поддржат неговото деби во светот на модата. Бијонсе, Џеј Зи, Лени Кравиц, Ким Кардашијан, Ријана, Џаред Лето и многу други го следеа шоуто од првиот ред.
Фарел беше именуван за креативен директор на машка облека Луј Витон во февруари, по смртта на Вирџил Абло. На првата модна ревија претстави 74 комбинации.
Пред првата ревија, модната куќа го нарече Фарел „визионер“ и „глобална икона“.