Швајцарскиот ветеран Роџер Федерер го започна своето учество на домашниот турнир во Базел со победа над Германецот Питер Гојовчик со 6:2, 6:1.
Маестро не му даде шанса на својот противник и го елиминираше за само 54 минути. Третиот тенисер во светот направи 12 аса, згреши еднаш на свој сервис, но направи пет брејка. За место во 1/4-финалето Федерер ќе спори со победникот od мечот Раду Албот / Молдавија / и Душан Лајовиќ / Србија /.
Федерер е деветкратен победник во Базел. 38-годишниот тенисер синоќа го одигра својот меч бр.1500 на турнејата. Тој има 1.232 победи и 268 порази. Оваа сезона тој забележа 48 победи и 8 порази. Федерер е исто така носител на рекорди за дуели, што се играат под покровителство на АТП. Најблиску до него е Рафаел Надал – 1.163 натпревари. Швајцарецот е прв на списокот со најмногу победи, а Надал е втор (967).