Рускиот енергетски гигант Газпром објави снимка од истекување нафта за која вели дека е причината за исклучување на Северен тек 1 до понатамошно известување.
Да потсетиме дека Газпром претходно информираше дека снабдувањето со гас од Северен тек на Европската унија е прекинато на неопределено време поради дефект на една од турбините.
How long could Moscow make Europe sweat over this one?
Gazprom cites Siemens Energy as saying the oil leaks they discovered can only be fixed in a "specialised workshop"
— Felix Light (@felix_light) September 2, 2022
Како што наведува рускиот гигант во соопштението, дефектот бил откриен на компресорската станица во Портова, а проверката ја извршиле работниците на Сименс – германска компанија која помага во одржување на цевководи.
Газпром тврди дека поправањето на истекување на нафта во клучните мотори е можно само во специјализирани работилници – за кои Русија претходно изјави дека се попречени од западните санкции.
-Увозот на гас е прекинат додека не се поправи, се додава во соопштението.
Претходно беше најавено дека е прекинато снабдувањето со гас преку Северен тек 1 поради планирани работи на пумпната единица за гас во компресорската станица Портова, а пред исклучувањето гасоводот работеше со капацитет од околу 20 проценти.
Снабдувањето беше прекинато во раните утрински часови во саботата, а одложувањето на повторното отворање на линијата беше објавено само неколку часа откако групата на нации Г7 објави ограничување на цената на руската нафта.