Палестинците во Израел, Ерусалим и окупираниот Западен брег одговорија на повикот за генерален штрајк во знак на протест против конфликтот во појасот Газа.
Тие исто така протестираат против израелската политика, за која многу активисти и некои организации за човекови права тврдат дека е систем на апартхејд, во кој на Палестинците им е ускратено правото што го имаат Евреите, пренесе Асошиејтед Прес.
Израел ги отфрла ваквите проценки, тврдејќи дека граѓаните на таа земја ги имаат истите права и го обвинува Хамас, исламската екстремистичка организација што владее со Газа, за конфликтот и ја обвинува за поттикнување насилство низ целиот регион.
Лидерите на палестинската заедница во Израел, која сочинува околу 20 проценти од деветте милиони жители во Израел, повикаа на штрајк. Поканата беше прифатена од палестинските власти, палестинскиот претседател Махмуд Абас на Западниот брег, која има поддршка од Западот.
Министерствата и училиштата беа затворени таму. Повеќето компании исто така одговорија на штрајкот и се очекуваат протести.
Еден од организаторите на штрајкот, Мухамед Баракех, поранешен член на израелскиот парламент, рече дека Палестинците изразуваат колективен став против „агресијата“ на Израел во Газа и Ерусалим и бруталната репресија на полицијата во рамките на еврејската држава .
Во понеделникот вечерта вооружени луѓе шетаа по улиците на Рамалах, каде е седиштето на палестинските власти, на Западниот брег, подготвувајќи се за таканаречениот „ден на гневот“, објавија израелските медиуми.
Немири избувнаа и во градовите во Израел каде има мешано население, Евреи и Арапи.