Германија под вода, а Лашет се смее

од Vladimir Zorba

Демохристијанскиот кандидат за канцелар на парламентарните избори во Германија, Армин Лашет се извини во неделата што се смееше додека обиколуваше области погодени од поплавите претходниот ден.

– Жалам за впечатокот што беше оставен по еден разговор. Тоа беше несоодветно и жал ми е за тоа. Судбината на погодените лежи во нашите срца – сподели Армин Лашет (ЦДУ) преку Твитер.

Извинувањето се однесува на една ситуација за време на заедничката посета со германскиот претседател Франк-Валтер Штајнмаер на подрачјата погодени од поплавите во градот Ерфштад во државата Северна Рајна-Вестфалија, на чие чело е Лашет.

Во еден момент, додека претседателот и се обраќаше на толпата, на снимките се гледа како Лашет и неговиот соработник зборуваат во позадина, смеејќи се на она што многумина го сметаа за невкусно поради сериозноста на ситуацијата и моментот.

– Начинот на кој Армин Лашет, во моментот кога претседателот им се обраќа на жртвите, се однесува несериозно во позадина, е непочитување и заслужува осуда – рече генералниот секретар на Социјалдемократската партија на Германија, Ларс Клингбејл во интервју за „Билд ам Зонтаг“ .

Еден куп осуди за однесувањето на Лашет за време на неговиот престој во тешко погодениот Ерфштад брзо се појавија и на социјалните мрежи. Поранешниот претседател на Германскиот совет за етика, Питер Даброк, го опиша однесувањето на Лашет како „недостаток на почит кон жртвите“.

Во и околу Ерфштад, многу повеќе луѓе сè уште се водат како исчезнати поради уништените куќи од поројот.

Слични содржини