Хакер украл лични податоци на милијарда луѓе, сега ги продава за биткоини

од Nikola Popovski

Непознат хакер тврди дека има податоци од полициска база во Шангај за една милијарда Кинези и ги нуди на продажба.

Доколку се потврдат наводите на хакерот, тоа ќе биде најголемата кражба на податоци во историјата.

Минатата недела, на форумот за хакирање на Интернет, „Breach forums“ лице со прекар Чајна Ден (ChinaDan) понуди на продажба речиси 24 терабајти податоци, вклучувајќи информации за милијарди луѓе и „седум милијарди случаи“. Хакерот барал 10 биткоини за податоците, што е околу 200.000 долари (19.500 евра).

Се вели дека податоците од шангајската национална полиција содржат имиња, адреси, национални идентификациски броеви и броеви на мобилни телефони, како и детали поврзани со полициските случаи.

Агенцијата АП имала пристап до примерок од податоци со имиња, датуми на раѓање и броеви на мобилни телефони. Годината на раѓање на едно лице е „2020“, а бројот на години е „една“, што укажува дека хакираните информации содржат лични податоци на малолетници.

АП не можеше да ја потврди автентичноста на примерокот, а шангајската полиција засега не коментираше.

Упадот во базата на податоци на полицијата првично предизвика дискусија на кинеските социјални мрежи како што е Веибо, но потоа беше воведена цензура.

Според Мајкл Газелеј, директор на хонгконшката безбедносна компанија Network Box, овој тип на кражба на податоци не е невообичаен. „

Во моментов на „црниот интернет“ има околу 12 милијарди компромитирани сметки. Тоа е повеќе од вкупниот број на луѓе во светот“, вели Газелеј, додавајќи дека податоците најчесто „протекуваат“ од САД.

Честер Вишњевски, главен истражувач во фирмата за безбедност на информации Sophos, рече дека хакирањето на базата на податоци е „потенцијално крајно срамно за кинеските власти“ и дека политичката штета може да биде поголема од штетата на поединците чии податоци биле украдени.

„Податоците, откако ќе бидат објавени, остануваат таму засекогаш. Значи, ако некој верува дека неговите лични податоци се украдени, мора да претпостави дека тие ќе бидат достапни за секого засекогаш и треба да преземе мерки за лична заштита“, рече Вишњевски.

Слични содржини