Харвард започнува курс за Тејлор Свифт, илјадници луѓе веќе се пријавиле да го посетуваат

од Stefanija Kuzmanovska

Пејачката Тејлор Свифт не престанува да соборува рекорди.

Освен што за нејзините настапи секогаш се бараат билети повеќе, таа ја има и најпродаваната турнеја, поради нејзиниот концертен филм сите други филмски премиери во САД беа одложени и слично, сега курс за неа ќе се најде на еден од најпрестижните универзитети.

Имено, како што пишува TMZ, Харвард наскоро ќе започне курс под називот „Тејлор Свифт и нејзиниот свет“.

Професорката Стефани Барт, која ќе го предава овој курс, за споменатите медиуми изјави дека „акцентот ќе биде ставен на книжевните достигнувања зад уметноста на Тејлор Свифт“. Иако професорката е голем обожавател на Свифт, таа тврди дека тоа не е причината поради која сака да го предава курсот и дека „делото на Тејлор вреди да се проучува“.

Бидејќи нејзиниот приватен живот е тесно поврзан со создавањето на нејзините песни, како што е наведено, и тоа со кого Свифт се забавува ќе добие одредено внимание на претстојните предавања на Харвард.

Сепак, Харвард не е единствената образовна институција која сака да го проучува ликот и делото на Тејлор Свифт. Според гореспоменатите медиуми, Универзитетот во Флорида наскоро воведува свој курс кој ќе зборува за популарната пејачка, а истото веќе го започнала и државата Аризона.

Дека академската заедница ја сака Тејлор говори и фактот што, според професорката Стефани Барт, илјадници луѓе веќе се пријавиле за нејзиниот курс, кој е планиран за пролет следната година.

Слични содржини