„Fat Bottomed Girls“, легендарниот хит на Queen, е најновата жртва на културата на откажување. Песната која пее за љубовта кон „пополните“ девојки, некои ја сметаат за некоректна.
Токму поради оваа причина „Fat Bottomed Girls“ беше отстранета од колекцијата на најголемите хитови на Queen наменета за помладата публика на стриминг платформата Јото.
Стихот кој беше контроверзен беше – „Дебели девојки, поради вас се врти светот“.
Сепак, има и такви кои сметаат дека оваа одлука е погубна и дека песната треба да се најде на топ-листата.
„Ова е сосема нова ситуација во музичкиот свет, никој не може да разбере зошто толку добронамерна и забавна песна не може да биде прифатлива во денешното општество. Зошто не ги цениме луѓето од сите облици и големини, туку се трудиме да се ослободиме од нив. Тоа е срамота“, изјавил музички професионалец за британски „Дејли Меил“.
„Да се игнорира таа песна е апсурдно. Патем, ефектот на бумеранг ќе резултира со тоа што повеќе луѓе ќе ја преземат таа песна отколку што тоа било случај пред 40 години“, рече колумнистот на „Фокс Њуз“, Џо Конча.