Иран ќе стане еден од најважните трговски партнери на Евроазиската економска унија (ЕЕУ), изјави министерот за трговија на ЕЕУ Андреј Слепнев, цитиран од иранската новинска агенција ИРНА, пренесе БТА.
Андреј Слепнев се сретна со иранскиот амбасадор во Москва Казем Џалали во врска со планираното потпишување на договор за слободна трговија меѓу Иран и ЕИС.
Според него, договорот за кој станува збор е најважниот документ за соработка меѓу двете земји. Џалали дополни дека договорот за слободна трговија е резултат на интензивни преговори и желбата на двете земји да ги развијат своите односи.
Во 2018 година, Иран и ЕЕУ склучија преференцијален трговски договор, кој стапи во сила на 27 октомври 2019 година. Двете земји подоцна започнаа преговори за претворање на преференцијалниот трговски договор во договор за слободна трговија.