Иран лансираше капсула со животни во вселената

од Stefanija Kuzmanovska
254 прегледи

Иран денеска објави дека лансирал капсула чии патници се животни, со цел да се подготви да испрати астронаути во наредните години.

Во извештајот на официјалната новинска агенција ИРНА, министерот за телекомуникации, Иса Зарепур, се цитира дека капсулата била лансирана на 130 километри во орбитата, пишува „Анадолија“.

Зарепур рече дека лансирањето на капсулата, која тежи околу 500 килограми, има за цел да се подготви за испраќање ирански астронаути во вселената во наредните години.

Засега нема информации кои животни се наоѓаат во капсулата произведена од Институтот за аеронаутички истражувања при министерството за наука, истражување и технологија на Иран, пишува „Бета“.

Иран повремено најавува успешно лансирање на сателити и други вселенски летала. Во септември, Иран соопшти дека испратил сателит за собирање податоци во вселената.

Во 2013 година, Иран соопшти дека испратил мајмун во вселената и успешно го вратил.

Слични содржини