Јапонија ќе увезува сурова нафта произведена во Русија за прв пат по отпочнувањето на војната на Блискиот Исток, објави официјален претставник на јапонското Министерство за економија, трговија и индустрија.
САД и Израел во февруари го нападнаа Иран, што доведе до фактичко затворање на Ормутскиот теснец, од каде минуваат броовите за транспорт на нафта.
-Нафтата потекнува од проектот Сахалин-2 на рускиот Далечен Исток, а пратката ја купи јапонската компанија Таиџо Оил. Танкерот за нафта исплови кон крајот на април и се очекува да пристигне во префектурата Ехиме во западна Јапонија, објави новинската агенција Кјодо.
Овој потег доаѓа во време кога Јапонија, која е во голема мера зависна од увозот на енергија од Блискиот Исток, се стреми да ги диверзифицира своите извори на снабдување поради нарушувањата на глобалниот пазар.