Близнаците, генерално, не се хороскопски знак кој може да се пофали со челична волја и цврст став, но затоа нивните интелектуални способности се исклучителни.
Тие се сестрани, имаат широки познавања од многу области, умеат да ги користат зборовите правилно, снаодливи се и ништо не може да ги изненади. Во друштво секогаш се ведри и насмеани, сакаат нови познанства, не им пречи да менуваат работа, ниту пак се робови на навики и рутини. Лесно се прилагодуваат, не се изморуваат дури и ако се цел ден на работа, а вечерта на прослава. Знаат како да се однесуваат културно, а имаат ведрина која ги засмева сите.
Машките претставници на овој знак не обожаваат домашни обврски, додека пак жените, добро се снаоѓаат и во стереотипно машки улоги, од градежници, до експерти за спорт. Во меѓучовечките односи се обидуваат да бидат рационални и уверливи, но многу често егото ги прегазува нивните генерални квалитети.
За нив може да се каже дека засекогаш остануваат деца во духот, а мора да признаеме, дури и на повозрасни години, успеваат да го задржат младешкиот изглед, поради тоа што навистина добро се грижат за себе.