Директорот на рускиот фонд за директни инвестиции, Кирил Дмитријев, објави дека буквата „V“ во името на руската вакцина против коронавирусот „Спутник Ви“ (Спутник V) значи победа над вирусот.
„Во името на нашата вакцина, „V“ значи победа“, рече Дмитриев, коментирајќи ја испораката на првата група руски вакцини во Аргентина.
„Испораката на вакцината „Спутник V“ во Аргентина е одличен пример за соработка меѓу нашите земји и вистински историски момент. Целата земја гледаше како авионот со првата серија вакцини слета на аеродромот Езеиза пред Божиќ, во надеж дека ќе започне нова ера без Ковид-19 “, рече Дмитријев, кој им посака на луѓето од Аргентина да ја надминат оваа болест.
Тој исто така најави дека производството на руската вакцина „Спутник V“ ќе започне во Аргентина.
Дмитријев додаде дека очекуваат вакцината „Спутник V“ да биде регистрирана во ОАЕ, Индија и многу други земји во јануари.
Авионот со првите дози на руската вакцина против вчера слета во Аргентина. Испратени се вкупно 300.000 дози. На меѓународниот аеродром Езеиза, меѓу другото, авионот го пречекаа премиерот на земјата, Сантијаго Кафиеро, министерот за здравство, Гинис Гонзалес и амбасадорот на Русија, Дмитриј Феоктистов.