Келтски златници вредни неколку милиони евра и непроценливи како културно богатство беа украдени од келтскиот музеј во Манчинг во Горна Баварија. Министерот за наука и уметност на Баварија смета дека тоа е „катастрофа“.
Скршената, празна витрина, во која дотогаш се наоѓаше златното богатство старо повеќе од две илјади години, вредно неколку милиони евра, во вторникот ја откриле вработените во Келтско-римскиот музеј во баварскиот град Мункинг, откако пристигнале на работа во раните утрински часови.
#Zeugenaufruf nach #Diebstahl von keltischen #Goldmünzen in #Manching gestern Nacht aus dem #Kelten Römer #Museum. Hinweise bitte an das LKA unter 089/1212-0.
Mehr Infos in der #Pressemitteilung: https://t.co/f3bCip8Taz pic.twitter.com/bjagx8vNrf— Polizei Oberbayern N (@polizeiOBN) November 23, 2022
„Тоа било класична кражба, како во лош филм“, изјави портпаролот на баварската криминалистичка полиција (ЛКА) во Минхен. Целото злато е украдено – 483 келтски златници со вкупна тежина од околу четири килограми.
Според полицијата, допрва ќе се утврдува класичната вредност на златото според дневниот курс. Сепак, колекционерската вредност е неколку милиони евра.
Полицијата претпоставува дека сторителите ќе се обидат да ги продадат златниците на нелегалниот пазар на уметнички дела или „во најлош случај, ќе ги стопат“.