Рускиот претседател Владимир Путин и неговиот турски колега Реџеп Ердоган ќе разговараат за соработка меѓу двете земји по прашања за сириското регулирање во рамките на заедничката средба закажана за 10 март. Ова го изјави рускиот министер за надворешни работи Сергеј Лавров.
“Ќе зборуваме за различни насоки на нашата соработка – трговија, економија, инвестиции, заеднички инфраструктурни проекти и други, вклучувајќи и надворешно политичка соработка, пред се за помош за регулирање на сириската криза преку остварување на нашите заеднички иницијативи”, рече тој.
“Подготвени сме да развиваме таква интеракција и билатерални, и мултилатерални канали”. На крајот од минатиот месец стана јасно дека Путин и Ердоган ќе разговараат на преговорите во Москва на 9-10 март за купување на руско вооружување, вклучувајќи и ракетни системи С-400.
Ова го откри турскиот претседателски советник Илнур Чевик во интервју за телевизијата “Россија 24”. Тој истакна дека купувањето на С-400 не би требало да води до проблеми на Турција со НАТО, бидејќи “многу земји од Алијансата исто така користат руско оружје и одбранбени системи”.