Неговиот развод со Софија Вергара сè уште не е финализиран, но тоа не значи дека Џо Манганиело веќе не продолжил понатаму. Според магазинот People, 46-годишниот актер среќата ја нашол со Кејтлин О’Конор, 13 години помладата актерка, која ја запознал на неофицијална афтер забава организирана од HBO.
Интересна е приказната како се запознале во џакузито кое било на забавата, а веднаш по средбата се „споиле“ и продолжиле да разговараат до доцна во ноќта. После тоа продолжиле да се дружат, а неодамна биле снимени како излегуваат од теретана во Калифорнија, каде заминале со неговиот автомобил.
Разговорот за нова врска започна помалку од два месеци откако тој поднесе барање за развод од Софија Вергара, наведувајќи ги непомирливите разлики како главен виновник за крајот на нивниот брак.
Иако јавноста беше изненадена од нивниот развод, за нивните блиски пријатели тоа не беше ништо чудно, бидејќи долго време имаа различни подеми и падови во бракот, но пред јавноста се преправаа дека се е апсолутно во ред.