Елон Маск повеќе не е најбогатиот човек на светот откако акциите на Тесла во понеделникот паднаа за 8,6 проценти, бришејќи од неговата нето вредност 15,2 милијарди долари.
Најголемиот пад на цените на акциите на Тесла од септември делумно беа поттикнати од коментарите на Маск за време на викендот дека цените на биткоинот и неговиот помал конкурент Етереум „изгледаат високи“, наведува Блумберг.
Неговите коментари дојдоа две недели откако Тесла објави дека додава 1,5 милијарди долари биткоин на својот биланс на состојба. Од своја страна, криптовалутата, која се искачи повеќе од 400% во изминатата година, паѓа втор ден по ред и во вторникот, во еден момент, вредеше околу 45.000 долари, поради скептицизмот за издржливоста на своето рели.
Претходно во понеделникот, Маск напиша на Твитер дека стандардниот теренец на Y моделот на компанијата сепак ќе биде достапен „надвор од менито“, поддржувајќи ги извештаите од „Електрек“ дека моделот е отстранет од онлајн конфигураторот на компанијата.
Маск падна на второто место во индексот на милијардери Блумберг за 500 најбогати луѓе во светот со нето вредност од 183,4 милијарди долари – во споредба со врвот од 210 милијарди долари во јануари. Основачот на Amazon.com Inc. Џеф Безос го врати првото место, иако неговото богатство падна за 3,7 милијарди долари на 186,3 милијарди долари во понеделникот.
Двајцата милијардери ги менуваа местата од јануари, бидејќи вредноста на Tesla варира. Акциите на компанијата пораснаа за дури 25% на почетокот на 2021 година, пред да го избришат скоро целиот нејзин раст малку подоцна. Маск за кратко го престигна Безос откако неговата друга компанија SpaceX собра 850 милиони долари на почетокот на овој месец. Тоа ја процени компанијата на 74 милијарди долари, скок од 60 проценти од август 2020 година.
Безос беше на врвот на листата три последователни години пред јануари, кога Маск ја украде титулаta благодарение на релито од 794 проценти во акциите на Tesla.
Продажбата на пазарот во понеделникот погоди многу светски супербогати. Жонг Шаншан, најбогатиот човек во Азија, „осиромаши“ за 5,1 милијарди долари, откако акциите на неговата компанија за флаширана вода паднаа за 4,5 проценти. Колин Хуанг од Pinduoduo Inc., Мукеш Амбани од Reliance Industries и Пoни Ma од Tencent Holdings загубија повеќе од 2,5 милијарди долари.