Маж удрил во барикада па извршил самоубиство пред Капитол

од Vladimir Zorba

Вооружен маж утринава удрил со својот автомобил во барикада на територијата на американскиот Капитол, пред да испука неколку истрели во воздух, а потоа да се самоубие, соопштија претставници на редот.

Извештаите од местото на настанот укажуваат дека мажот го запалил својот автомобил непосредно пред да се самоубие.

Инцидентот се случил нешто по 4:00 часот по локално време, а полицијата на Капитол соопшти дека автомобилот бил зафатен од пламен кога вооружениот напаѓач го запалил откако удрил во барикада.

Откако излегол од запаленото возило, напаѓачот испукал неколку истрели во воздух, а се самоубил кога полицијата му пришла, пренесе „Раша тудеј“.

Во инцидентот нема повредени, а полицајците не употребиле оружје.

„Фокс њуз“ објави дека човекот го запалил автомобилот пред да удри во барикадата.

Полицијата на Капитол го истражува инцидентот.

Слични содржини