Претседателот на Европскиот совет, Шарл Мишел, изјави од Стразбур дека Русија ја користи храната како оружје во војната и го обвини Кремљ дека е единствениот виновник за глобалниот недостиг на храна, зголемените цени и гладот во светот.
„Кремљ ги опкружува своите постапки со лаги од советски стил. Мора да се обединиме и овие лаги да ги наречеме чисти измислици. Руските бродови и ракети го блокираат извозот на жито, тенковите, бомбите и мините го запираат украинското земјоделство. Во исто време, ЕУ не воведе санкции за руските земјоделски производи. Сите што беа погодени не смеат да бидат збунети поради руската пропаганда“, рече Мишел.
Мишел рече дека рускиот амбасадор „одби да ја погледне вистината во очи“ и рече дека ЕУ „нема да престане да ја кажува вистината, ја поддржува Украина и ѝ се спротивставува на Русија со факти“.