Состојки:
– 300 гр пилешко бело месо
– половина цвет брокула
– 2 моркова
– 1/2 шолја замрзнат грашок
– кромид
– 2 лажици путер
– малку маслиново масло
– 2 лажици брашно
– сол, бибер, куркума
– 2,5 дл вода со лажичка сув билен зачин
– 2 јајца
– 1 павлака
– малку млеко
– 500 гр компири
Подготовка:
Излупете ги компирите, исечете ги на прстени и сварете ги, кога водата ќе зоврие, варете ги уште 15 минути.
Во меѓувреме на путер и маслиново масло издинстајте го младиот кромид, додадете ситно сечкани моркови и пилешкото исецкано на коцки зачинети со сол, бибер и куркума.
Неколку минути пред крајот на варењето на компирите, во водата додајте грашок и сечкана брокула.
Додадете брашно во пилешкото и добро измешајте, истурете вода измешана со лажичка суви билни зачини, па додадете малку сол и бибер. Сè добро измешајте.
Потоа во пилешкото додадете грашок и брокула и варете додека сосот малку не се згусне.
Во подмачкан огноотпорен сад ставете ред компири, па смесата од месо и завршете со ред компири.
Се пече на 200 степени околу 30 минути, се вади и одозгора се става смеса од павлака, јајца и млеко, па се враќа во рерна и се пече уште 15 минути.
Се сече на коцки и се сервира со салата по ваш избор.