Apple имаше многу чудни експерименти низ годините, но ваква необична идеја никогаш не им паднала на памет.
Конкретно, се работи за патент кој би вклучувал MacBook тастатура, и едно копче кое се наоѓа во неа, а може да се одвои доколку е потребно. Ова копче може да се користи како екстремно мал глушец и веројатно не би бил поголем од копчето „Shift“ на тастатурата. Минијатурниот глушец, сугерира патентот, може да биде сместен во куќиштето на тастатурата или до други копчиња.
Во вториот случај, ќе функционира како секое друго копче, забележува Apple, а кога ќе се отстрани, ќе функционира како глушец, што значи дека мора да има батерија и да може да „знае каде е“, за да можете да го контролирате околу екран.
Сето ова изгледа како премногу за толку мало глувче, па Apple вели дека може да се соберат повеќе копчиња на едно место, а потоа да се користат како глушец, но и тоа остава многу прашања.
Батеријата, големината, обликот… сето тоа се проблеми што значат дека веројатно нема да можете долго да го користите овој „одвојлив“ глушец, па мораме да се запрашаме која е поентата на целиот потфат.
Се разбира, тоа е сè уште само патент, така што е сосема можно Apple да се откаже и тоа никогаш да не излезе од земја. Со оглед на некои прилично сомнителни одлуки за дизајн во последниве години, сепак, сè е можно.