Рекорден број од 21 награди доби брендот за телефони Nokia на Светскиот мобилен конгрес во Барселона – MWC 2018, истакнуваат од финската компанија HMD Global која ги поседува правата на легендарната марка и успешно ја оживеа на пазарот со многу нови уреди.
HMD Global успеа да го привлече вниманието на публиката на MWC 2018 со обновениот модел Nokia 8110. Нешто повеќе, брендот Nokia се покажа најчесто споменуваниот во социјалната мрежа Twitter во деновите на Светскиот мобилен конгрес, според истражувањето на Brandwatch, направено во соработка со Twitter.
Јухо Сарвикас, менаџер во HMD Global, потврдува дека добиените од компанијата 21 награди се нов рекорд. За споредба, минатата година брендот грабна 17 награди од MWC 2017 во Барселона.
Што се однесува до популарноста на Twitter, прави впечаток дека Nokia надминува водечки брендови како Samsung, кој го најави во Барселона новиот предводник Galaxy S9.
Во топ 5 на најчесто споменуваните брендови во социјалната мрежа за време на MWC 2018 спаѓаат уште Huawei, Google и Apple.