Новиот амбасадор на Обединетото кралство во Македонија, Метју Лосон на социјалната мрежа „Твитер“, објави дека положил испит по македонски јазик.
Имено, тој соопшти дека добил сертификат за ниво Ц1, и тоа на неполни три месеци од добивањето на неговата нова функција како амбасадор на Велика Британија во земјава. Тој во видеото објавено на „Твитер“ испрати порака до македонскиот народ.
-Одличен почеток на неделата со сертификат за положен испит по македонски јазик. Ми претставува чест и задоволство што го учам овој прекрасен јазик. Негувајте го вашиот јазик и вашата култура – рече Лосон.
🇲🇰Одличен почеток на неделата со сертификат за положен испит по македонски јазик. Ми претставува чест и задоволство што го учам овој прекрасен јазик. pic.twitter.com/EWG2VOjIAE
— MatthewLawsonUK (@MatthewLawsonUK) October 17, 2022