Норвешкиот амбасадор во Обединетите нации (ОН) во Женева, Тормод Ендресен денеска истакна дека земјите „не можат да го прекинат“ финансирањето на Агенцијата на ОН за палестински бегалци (УНРВА) под сегашните околности.
Забелешките на Ендресен дојдоа за време на говорот на Интерактивниот дијалог за состојбата на човековите права на окупираната палестинска територија на 55-тата седница на Советот за човекови права во Женева.
– УНРВА претставува спас за милиони Палестинци. Иако мора да има одговорност за какво било недолично однесување на персоналот на УНРВА, ние не можеме, под сегашните околности, да го прекинеме финансирањето, нагласи Ендресен.
Тој ги повика сите земји кои го суспендираа финансирањето да се придржуваат до своите обврски.
Амбасадорот повика и на хуманитарен прекин на огнот и непречен хуманитарен пристап до Газа.
– Потребен е мир за да се прекине кругот на насилство и да се обезбеди почитување на човековите права, рече Ендресен.