Сите добро знаеме дека јаткастите плодови се здрава и вкусна ужина, како и одличен додаток за појадок или вечера.
Сепак, многу луѓе не се сосема сигурни колку од овие намирници треба да внесуваат во организмот дневно, поради што често знаат да консумираат премалку или премногу.
Како што објаснуваат нутриционистите, редовното уживање во овие здрави грицки носи многу придобивки, како што се подобро здравје на срцето и кардиоваскуларниот систем, губење на тежината и одржување на идеална тежина, регулација на шеќер и создавање чувство на ситост, намалување на холестеролот во крвта и намалување на воспалението во организмот.
Освен тоа, истражувањето спроведено на оваа тема докажува дека редовното внесување јаткасти плодови може да помогне и во спречување на метаболички синдром, но и да помогне во здравјето на нашиот мозок и со тоа да го намали ризикот од деменција.
Нутриционистите нагласуваат дека не треба да претеруваме со консумирање јаткасти плодови, бидејќи тоа може да доведе до бројни несакани нуспојави, пренесува Taste.
Според последните податоци, експертите велат дека секој човек треба да консумира по 30 грама јаткасти плодови дневно. Дополнително, важно е да се нагласи дека оваа препорака вклучува само сирови јаткасти плодови кои се купуваат и јадат во нивната оригинална, незачинета форма.