ОБЈАВЕНИ ПРЕПИСКИ: Клои Кардашијан и Канје Вест јавно се скараа! (ФОТО)

од Stefanija Kuzmanovska

Американскиот рапер Канје Вест ја обвини Ким Кардашијан дека приредила тајна роденденска забава на нивната ќерка Норт, на која тој не бил поканет.

Драмата меѓу поранешните сопружници не стивнува, а сега во нивната дискусија се вклучи и сестрата на ријалити ѕвездата, Клои Кардашијан.

Клои застана во одбрана на својата сестра, барајќи го својот поранешен зет на Инстаграм повеќе да не им се заканува на Ким и нивното семејство и да ги остави на мира. Раперот го објави овој коментар на својот Инстаграм профил и одговори на нејзините обвинувања.

„Повторно со приказната за роденденот. Доста беше. Сите ја знаеме вистината и според мене на сите им е доста од тоа. Знаете точно каде се вашите деца во секое време, а и ти сакаше одвоени родендени. Ги имам видено сите текстови кои го докажуваат тоа. Кога се предомисли и сакаше да присуствуваш, доаѓаше“, напиша Клои.

Бидејќи Канје неодамна изјави дека Ким е таа што ги воспитува нивните деца, Клои се осврна и на тоа.

„Како што и самиот истакна, таа е таа која се грижи за вашите деца 80% од времето. Те молим остави ја неа и нашето семејство надвор од советите како треба да се воспитуваат децата“, додала Клои.

Покрај нејзиниот коментар кој го објави на Инстаграм, Канје ги нарече Кардашијан лажговци и ги обвини дека ја „киднапирале“ нивната ќерка и дека се вратил од Јапонија за да биде таму за роденденот на својата ќерка, но најпрво видел слики од деца на интернет. Потоа додаде дека му е ускратено правото да ги гледа децата.

Слични содржини