Нездравата исхрана може да предизвика воспалителни процеси во организмот и затоа е многу важно да се внимава и да се вклучи во исхраната храна богата со антиоксиданси – која со своето антивоспалително дејство ќе го спречи или ублажи воспалението во организмот.
Важно е каква храна јадеме бидејќи испраќа сигнали до телото. Секој залак влијае на тоа како се чувствуваме во текот на денот. И затоа е важно каква храна консумираме.
Ви предлагаме неколку намирници чие консумирање може да ги спречи воспалителните процеси и да му помогне на организмот да се избори со нив.
Зелен лиснат зеленчук
Без разлика дали се работи за спанаќ, блитва или кељ, со витамини, минерали и антиоксиданси, зелениот зеленчук е најмоќната антиинфламаторна храна.
Бобинки
Јагодите се вистинска суперхрана, боровинките исто така. Тие силно се борат против воспалението со своите антиоксиданси. Во принцип, колку поинтензивно е обоено овошјето, толку подобро ќе ве заштити од воспаление.
Портокал и лимон
Цитрусите се вистински витамински бомби, кои го зајакнуваат имунитетот. Така, тие штитат не само од настинки, туку и од воспалителни болести.
Мешунки
Грашокот, гравот и леќата содржат влакна кои можат да го смират воспалението. Влакната се неопходни за спречување на многу болести, вклучувајќи кардиоваскуларни и рак.
Маслиново масло
Најдобро е да користите ладно цедено масло. Можете да го консумирате секој ден бидејќи маслиновото масло не само што содржи антиоксиданси, туку може и да го забави дејството на ензимите кои го влошуваат воспалението.
Јогурт и кисела зелка
Пробиотската храна како јогурт или кисела зелка помага да се одржи цревната флора силна и здрава. Многумина сè уште не се свесни колку здравите црева се важни за здравјето, но треба да знаете дека 80 отсто од нашите имунолошки клетки се наоѓаат во цревата.
Сардина, скуша и лосос
Омега-3 масните киселини од мрсната и сината риба го намалуваат нивото на воспаление и можат да го ублажат тивкото воспаление, кое е предвесник на посериозни болести. Се препорачуваат две до три порции риба неделно.
Бадеми и јаткасти плодови
Бадемите содржат многу витамин Е и фолна киселина, а бразилските ореви се единствениот сигурен растителен извор на селен. Оревите, пак, содржат совршена комбинација на омега-3 и омега-6 масни киселини и ги штитат крвните садови од воспаленија.